Киши көлемли кемелер- тийкарғы двигатель күши 55 кВтдан (75 ат күши) ҳәм жолаӯшы сыйымлығы 12 адамнан артық болмаған өзи жүрер кемелер, моторларының күши ҳәм санына қарамастан, аспа моторлы кемелер, суӯ мотоцикллери (гидроцикллер), жүк көтериӯ қәбилети 80 регистр тоннадан артық болмаған өзи жүрмес кемелер, исирилетуғын моторсыз ескекли кемелер. инспекция тәрепинен физикалық ҳәм юридикалык шахсларға тийисли болған киши көлемли кемелер дизимнен өткериледи. Дизимнен өткерилген киши көлемли кемелерге кеме билети бериледи. Моторлы ҳәм ескекли кемелер дизимнен өткериӯде кеме китабына ҳәм кеме билетине дизимге алынды – деген штамп басылады. Юридикалық шахсларға тийисли болған киши көлемли кемелер юридикалық мәнзили бойынша , физикалық шахсларға тийисли болған киши көлемли кемелер физикалық шахслардың турақлы жасаӯ орны бойынша дизимнен өткериледи. Дизимнен өтпеген киши көлемли кемелерден пайдаланыӯ қадаған етиледи. Дизимнен өткен моторлы киши көлемли кемелерди басқарыӯ ҳуқықын бериӯши гүӯалыққа ийе болған шахсларға рухсат бериледи. Физикалык ҳәм юридикалық шахслар тәрепинен киши көлемли кемелер сатып алынғанда техникалық ҳалатына қарамастан бир ай ишинде дизимнен өткерилиӯи (қайта өткерилиӯи шәрт). Дизимнен өткерилгеннен соң киши көлемли кемелер ҳәр жылы пайдаланыӯға жарамлылығын тастыйықлаӯшы штамп қойыӯ жолы менен техникалық көриктен өткериледи. Киши көлемли кемелерди дизимнен өткериӯ ушын Өзбекстан Республикасы Айрықша жағдайлар Министрлигине тийисли аймақлық баскармаларға арза менен шығады.
Р.Исаев,
Нөкис районы АЖМД ҳәм ПҚ ИШҚ үгит-нәсият бөлимшеси баслығы капитаны.
