Гүлдей ашылып жүрсин деп
Үйине сән берсин деп
Лала киби жарқырап
Ҳадал мийнет тапсын деп
Ардақлы инсан бол
Нәкаслерге берме қол.
ӘКЕЖАН
Сахыйлығың билинер
еки көзиңнен,
Айтқан сөзлериңнен, айтқан гәпиңнен,
Панамсаң сен мениң қорғанатуғын,
Ардақлайтуғын арымсаң, сен мениң әкем.
Расгөйликти әзелден үйреткен сен,
Балалық шағымнан санама питкен,
Еркелеймен ойнайман сениң қасыңда,
Кәмалға жеткерген өзиңсең әкем
ЖОЛЫҢ ТҮССЕ ЖҮРЕГИМНЕН ХАБАР АЛ…
Көзлерим жолыңа қарап тур ҳайран,
Жүрегим шаўып тур киби бир жейран,
Сен маған бийпәрўа, жүргениң сайран,
Жолың түссе жүрегимнен хабар ал.
Кеўилим сезеди сениң келериң,
Сәрўи тал астында сәўбетлескениң,
Аралап аўылды бирге гезгеним,
Жолын түссе жүрегимнен хабар ал.
Тек елес болмасын өткен күнимиз,
Сырлас болып, өткерген сол түнимиз,
Кеўил сораспаспыз енди биримиз,
Жолың түссе жүрегимнен хабар ал.
Гейде доспыз, бирин-бири сатпаған,
Гейде жуппыз, шийрин сөзге қанбаған,
Өткен күнлер яддан ҳеште шықпаған,
Жолың түссе жүрегимнен хабар ал.
Улзада Тажимуратова.